VISITES ESCOLARES

La Llaboral pon a disposición de los grupos organizaos delles posibilidaes de visita, siendo mester en tolos casos la so reserva enantes.

La información de les visites ta en permanente revisión y actualización en función de la normativa vixente y de la evolución de la crisis sanitaria.

Enantes de visitar la Llaboral... ¡Atención profesor! Convidámosvos a una xornada de puertes abiertes

Empobináu a profesores y monitores de centros educativos.

La visita a la Llaboral ye una actividá que tien de ser planiada con antelación. Polo tanto, proponémosvos una visita de toma de contactu enantes pa conocer l´espaciu cultural y los temes a tratar nel percorríu.

Visita a les instalaciones de Llaboral Ciudá de la Cultura, incluyendo Recepción, Teatru, Torre y Cafetería (Llaboral Centru d´Arte y Creación Industrial opcional). Tamién se va presentar el material didácticu y pedagóxicu disponible.

Feches: 13 de xineru de 2022.

Places: 30.

Preciu: gratis.

Visita guiada 

Paséu por Llaboral tien parada na Plaza, Teatru o Sala de Pintures y Torre. 

Frecuencia: según temporada. Consultar.

Participantes: mínimu 20 y máximu 55 persones por grupu. Nel casu de los centros d´enseñanza o grupos compuestos por menores, ye imprescindible l´asistencia del acompañante/s del grupu. 

Preciu: 4,50 €. Miércoles visita gratis para escolares. 

Duración: 60-75 minutos aprosimao.

Llaboral, una ciudá oculta

Llavandería, cocines, Sala de los Réloes, Sala de los Espeyos y Torre

Una visita distinta pa entender la historia ya indagar nel pasáu de la Universidá Llaboral. Inclúi una pequeña panorámica del desarrollu urbanu de Xixón dende´l Mirador de la Torre.

Frecuencia: según temporada. Consultar.

Participantes: mínimu 20 y máximu 30 persones per grupu. Nel casu de los centros d´enseñanza o grupos compuestos por menores, ye imprescindible l´asistencia del acompañante/s del grupu. Encamiéntase un acompañante por cada 20 participantes.

Duración: 1 hora.

Preciu: 4,50 €. Tarifa válida pal añu 2021. Consultar tarifa pal 2022.

Otres posibilidaes

• Percorríu pel edificiu históricu y taller didácticu: de llunes a vienres. 
• Percorríu pel edificiu históricu y visita al Xardín Botánicu Atlánticu: de miércoles a vienres.
  

Visites accesibles

Les visites guiaes pretenden averar la nuestra ufierta cultural a les persones con dalgún tipu de discapacidá física, sensorial y/o intelectual. Pa ello desarrollemos unes visites adaptaes a les necesidaes específiques de los nuestros visitantes al empar qu´esfruten de la esperiencia en compañía d´amigos y familiares. Les Antigües Cocines son un espaciu non accesible.

• Visites adaptaes pa persones con discapacidá intelectual. El grupu va tener ocasión de descubrir esti escepcional complexu al traviés d´una visita adaptada a les sos necesidaes.
• Visita con audiodescripción. Un guía espertu en audiodescripción va acompañar a los visitantes con ceguera o discapacidá visual y a los sos acompañantes pel Centru.
• Visita con intérprete de llingua de signos española. Les persones con discapacidá auditiva y los sos acompañantes van poder esfrutar xuntos d´esta visita adaptada, na qu´el nuesu intérprete va guialos esplorando´l potencial de la esposición y tolos sos detalles.
• Visita pa persones mayores con necesidaes especiales. Diseñaes especialmente pa los mayores que quieran esfrutar d´esti espaciu únicu ensin prieses, al so ritmu… con un llinguaxe claru y afayadizu, pero ensin perder por ello nin res de rigor.

Preciu: 4,50 €. Tarifa válida pal añu 2021. Consultar tarifa pal 2022.

Participantes: mínimu 15 y máximu 55 persones por grupu.

AGENDA

NOTICIAS