VISITES ADICIONALES EN XIXÓN

De siguío propónense una serie de servicios y actividaes alternatives na zona de Xixón bien recomendables pa completar la visita a la Llaboral. Na web de cada recursu, en www.gijon.info y nel documentu pdf de la derecha puede ampliase la información.

Parque Arqueolóxicu de la Campa Torres

http://museos.gijon.es

El Parque ye un llugar d'espardimientu y cultura nel que se desarrollen diverses actividaes venceyaes a la conocencia y esfrute del patrimoniu arqueolóxicu d'esti cabu.

Muséu del Pueblu D’Asturies

http://museos.gijon.es

El so oxetivu ye caltener la memoria del pueblu asturianu. L'espaciu temporal de les sos colecciones abarca lo que conocemos por sociedá tradicional, una sociedá que se xesta na Edá Media y que llega hasta cásique anguaño.

Muséu del Ferrocarril

http://museos.gijon.es

Centru dedicáu al caltenimientu, investigación y espardimientu de la historia ferroviaria d'Asturies. El Muséu ufierta al visitante una amplia visión de la relación establecida ente'l ferrocarril y la historia social, técnica y económica.

Villa de Veranes

La visita a los restos arqueolóxicos de la villa romana de Veranes faise al traviés d'un senderu con distintos puntos d'observación que nos averen a les sos estancies. Dalguna d'estes sales caltienen parte de los sos pavimentos orixinales.

Termes Romanes de Campo Valdés

http://museos.gijon.es

El Muséu ufierta una visión completa de les termes nel mundu romanu y el funcionamientu ya historia de les termes públiques en Xixón. Amás, permite ver les estancies orixinales de los baños recuperaos nes escavaciones arqueolóxiques.

Xardín Botánicu Atlánticu de Xixón

http://botanico.gijon.es

Tomando l'Atlánticu Norte como exa conductora, la visita non solo permite contemplar la flora y vexetación cantábrica, permite tamién contemplar la gran diversidá vexetal que se desarrolla en redol a esti vastu océanu.

Acuariu

http://acuario.gijon.es

Ufierta un percorríu per 60 acuarios d'agua duce y salada que dexa conocer al detalle la flora y la fauna de los mares del mundu. Salmones, llondres, esturiones, pingüinos o tiburones toru son dalgunos de los 5.000 animales que pueden vese na visita.

Rutes

La Sienda del Ríu la Ñora, la Sienda del Ríu Peñafancia o la Vía Verde de la Camocha son percorríos bien aconseyables pa esfrutar en grupu.

Arees recreatives

Xixón dispon na so contorna de les siguientes árees recreatives: Camín forestal Monte Deva, El Pinar-Monte Deva, Granda, Montiana, Picu’l Sol. De bon accesu, toes cuenten colos servicios afayadizos pa completar la xornada.

AGENDA

NOTICIAS