TALLERES

Los talleres pa públicu escolar que se desenvuelven en Llaboral Ciudá de la Cultura potencien les materies que s´imparten nel aula con:

• Talleres para fomentar la llectura, comprensión llectora y escritura creativa.
• Actividaes para conocer, xugando, conceptos d´arquitectura.
• Mathslab, talleres que contribúin al espardimientu de les matemátiques dende una perspectiva creativa.
• Un Llaboratoriu de química y emociones con desafíos científicos divertíos.
• Talleres d´educación artística con un enfoque contemporaneu del aprendizaxe del arte.
• Y, como novedá, nel cursu 2019/2020, esperiencies educatives de realidá virtual, introducción al modelismu espacial.

Estos talleres son perfectamente combinables col programa d´espectáculos Vamos Escolar! antes o depués de la obra, y/o con una visita guiada al edificiu históricu.

Histories, palabres y ritmos

Lliteratura

En toos estos talleres foméntase la llectura, la escritura, la comprensión llectora y van abordase temes rellacionaes cola diversidá, la solidaridá o la igualdá, teniendo en cuenta les edaes de los participantes, la so etapa educativa y la so comprensión de la llectura y/o escritura.

Impartíu por: Ana Lamela, escritora, música, narradora oral y filóloga. Musa Cafeína ye un colectivu artísticu-cultural que nació en 2012 creáu por Ana Lamela Rei y Laura Cuervo Álvarez. Dende entós el so llabor consistió n´averar l´arte, la música, el teatru y la lliteratura a la cai, a los colexos, a les biblioteques, ente otros. Ana Lamela Rei coordinó diversos talleres y/o espectáculos de fomentu de la llectura, escritura y creatividá combinando la narración oral y la poesía cola música, l´arte y el teatru.

Llugar: Sala de talleres.

Preciu: 3 €/participante.

Places: 40 persones.

Empobináu a: Educación Infantil, Primaria y Secundaria.

Duración: ente 50 y 90 minutos según taller y nivel.

Talleres:

• “Érase una veza un pez” (Educación Infantil)
• “Palabrejas” (Educación Primaria)
• “3 mujeres de cuento, 3 canciones y 3 poemes (Educación Secundaria)

Feches y horariu: de llunes a vienres, a les 10:00 o a les 12:00 h.

Los fundamentos de l´arquitectura

Arquitectura

Talleres basaos nos fundamentos de l´arquitectura clásica de los que se sirvió Luis Moya pa proyetar y construyir la Llaboral.

Vamos percorrer la so evolución histórica y los sos elementos más importantes y depués vamos pasar de la teoría a la práctica p´aprender xugando: emplegando distintes ferramientes vamos trabayar n´ escales variables y vamos llevantar columnes, pórticos, edificios clásicos, y hasta vamos crear les nuestres propies versiones. Too ello pa tratar de xenerar un clima óptimu pal desarrollu de les capacidaes de los participantes.

Nuna redolada eminentemente lúdica y descontextualizada, foméntase una enseñanza tresversal, onde cada alumnu apurre les sos conocencies y esperiencies pa interpretar los temes propuestos de manera crítica.

En función de la dificultá de los conceptos y el nivel de profundización nos fundamentos de l´arquitectura clásica, el programa divídese en trés grupos d´edá: basa, fuste y capitel, poles partes de la columna clásica y la so función nella.

Impartíu por: Sistema Lupo. Llocos de los bloques de construcción, trabayen dende l´arquitectura pa xenerar dinámiques educatives y procesos abiertos al traviés del xuegu. Lupo ye una ferramienta educativa que desenvuelve de manera cooperativa´l pensamientu lóxicu y creativu con cientos de retos y niveles de dificultá y aptu pa toles edaes.

El Proyectu Pilpayu ye una propuesta educativa de Sistema Lupo realizada en coordinación con diferentes equipos ya instituciones asturianes, pa crear una rede de talleres educativos basaos na arquitecturacomo exa central y coles mires d´ayudar na conocencia de la redolada inmediata al traviés del estudiu de la nuestra historia y el nuestru patrimoniu construyíu. El xuegu y el trabayu n´equipu son la base metodolóxica del proyectu. Los retos de construcción de Sistema Lupo y la so didáctica son la estratexa d´acción d´esa metodoloxía.

Llugar: Sala de talleres.

Preciu: 3 €/participante.

Places: 50 persones.

Empobináu a: Educación Infantil (a partir de 4 años), Primaria y Secundaria.

Duración: 90 minutos.

Talleres:

• Basa (Educación Infantil a partir de 4 años)
• Fuste (de 1^u a 4^u d´Educación Primaria)
• Capitel (de 5^u d´Educación Primaria a 4^u d´Educación Secundaria)

Feches y horariu: de llunes a viernes, a las 10:00 hores o a les 12:00 hores.

Mathslab

Los talleres Mathslab nacen coles mires de contribuyir al espardimientu y el fomentu de les Matemátiques como elementu educativu claramente indispensable pal afitamientu d´una formación cultural sólida y de calidá de los nuestros mozos.

Siempre dende una perspectiva curiosa, dinámica y divertida, los estudiantes que nos visiten van poder aportar a la estrecha relación exsistente ente Arte y Matemátiques a lo llargo de la Historia, al traviés de Matemátiques, tomar parte nes actividaes pa diversos niveles educativos al pie de los personaxes de la popular serie Los Simpson y abordar la Xeometría dende un enfoque distintu, por aciu la ellaboración de mosaicos coloríos, que-yos van permitir aguiyar la so creatividá ya imaxinación nel taller de Mosaicos.

Llugar: Sala de talleres.

Preciu: 3 €/participante.

Places: 50 persones.

Empobináu a: Educación Primaria y Secundaria Educación Infantil (a partir de 4 años), Primaria y Secundaria.

Duración: 120 minutos.

Feches y horariu: de miércoles a vienres, a les 10:00 hores.

Colabora: Vir Soluciones en Cartón.

Educación artística

Un enfoque contemporaneu del aprendizaxe del arte.

Los talleres d´educación artística tán estructuraos alredor de diferentes conceptos d´interés nel arte contemporaneu.

Nesti proyectu tradúcense distintos aspectos del arte contemporaneu a esperiencies d´aprendizaxe. Tomando como base los estilos visuales, la estética, los procesos de creación, temes, conceptos y materiales diversos, xenérense escenarios d´aprendizaxe adaptados a los ciclos educativos.

Impartíu por: Lainopia Educación Artística. Lainopia ye un proyectu d´investigación n´Educación Artística que se desenvuelve n´Asturies dende 2015 en distintos espacios educativos y artísticos.

Forma parte d´una investigación de tesis doctoral sobro Artes y Educación. Lainopia propón un enfoque contemporaneu del aprendizaxe del arte al traviés de la creación y desenvolvimientu de sesiones d´Educación Artística. Pa ello parten de distintes referencies artístiques (obres d´arte contemporaneu, conceptos, procesos, procedimientos y/o llinguaxes) qu´usen pa ellaborar estratexes didáctiques d´enseñanza-aprendizaxe qu´integren la creación, la esperimentación y l´analís críticu.

Llugar: Sala de talleres.

Preciu: 3 €/participante.

Places: 25 persones.

Empobináu a: Educación Primaria, Secundaria y Bachilleratu.

Duración: 60 minutos.

Feches y horariu: de llunes a vienres, a les 10:00 o a les 12:00 h.

Talleres:

• “No todo es... lo que parece”(Educación Primaria)
• “Soporte efímero y movimiento” (Educación Secundaria)
• “Destruir para construir” (Bachilleratu)

Educ-acción: Llaboratoriu de Química y Emociones

Ciencia

El Llaboratoriu de Química ye una esperiencia que potencia´l descubrimientu de la redolada cotidiana y otorga una mirada integral sobre´l mundu que nos arrodia.

El so principal oxetivu ye aguiyar a los escolares a reparar, esquizar, afayar y construyir al traviés de la realización de desafíos científicos divertíos.

El taller ta estructuráu alredor a una parte d´esplicación y otra esperimental que formen na manipulación de la materia y na interpretación de los fenómenos. Con cuenta de fomentar y dar cabida a la esperimentación, l´alcuentru propón dellos esperimentos con efectu sorpresa pa que los escolares se pregunten “¿por qué?”. Detrás de cada actividá vamos alcontrar el principiu que lu regula y vamos intentar topar una solución científica.

Les acciones escoyíes (esllir, concentrar,disolver, dixebrar, reaccionar) ufierten tamién la oportunidá de cavilgar alrodiu de la manera d´enfrentase a la vida. La química amás d’ entender el mundu que nos arrodia, ufierta una llave pa conocernos meyor.

A güeyu, les asignatures científiques y les emociones tienen poco que ver, pero en realidá son dos cares de la mesma moneda. Vamos Aprender a xestionar el fracasu d´un esperimentu fallíu: razonar significa tener enfotu. Amás de formar nel planu cognitivu, vamos incluyir l´aprendizaxe de dinámiques y habilidaes concretes.

Impartíu por: Eva Ervas. L´obsrvatorio di Eva. Eva Ervas formóse como inxeniera ambiental, pero la so pasión pola educación llevóla a interesase por aquelles materies desdexaes de siguío nos primeros años de vida, por exemplu les que tienen que ver col aprendizaxe de les ciencies, de l´astronomía a la bioloxía, pasando poles matemátiques, la física o la química. El so propósitu ye demostrar que l´estudiu de les disciplines científiques pue ser prestosu al empar que seriu, y aptu pa toles edaes.

Llugar: Sala de talleres.

Preciu: 3 €/participante.

Places: 25 persones.

Empobináu a: Educación Primaria.

Duración: 120 minutos.

Feches y horariu: de llunes a vienres, a les 10:00 o a les 12:00 *h.

Muyeres na ciencia

Ciencia

LlaboralCiudá de la Cultura incorpora a la so ufierta escolar una propuesta interesante empobinada al ciclu de primaria, a partir del Día Internacional de la Muyer y la Neña na Ciencia (11 de febreru del 2020). Trátase d’un alcuentru científicu cola bióloga molecular Annalisa Roberti y una actividá práctica consistente nun llaboratoriu d’estracción d’ADN vexetal. Esta iniciativa tien un oxetivu doble: per un llau, quier promover vocaciones científiques demostrando que la ciencia y la intelixencia nun tienen xéneru; y per otru, estimular a los escolinos a observar, esplorar, descubrir y construyir al traviés de la realización d’un esperimentu científicu completu.

Impartíu por: Eva Ervas. L’observatorio di Eva. Eva Ervas formóse como inxeniera ambiental, pero la so pasión pola educación llevóla a interesase por aquelles materies desdexaes a menudo nos primeros años de vida, como les que tienen que ver col aprendimientu de les ciencies, de l’astronomía a la bioloxía, pasando peles matemátiques, la física o la química. El so propósitu ye demostrar que l’estudiu de les disciplines científiques pue ser prestosu al empar que seriu, y aptu pa toles edaes.

Annalisa Roberti graduóse en Bioloxía en Bolonia, llogró un Máster en Bioloxía Molecular y Celular y realizó un doctoráu en Xenética Médica en Siena. Tamién participó en dellos proyectos d’investigación internacionales y anguaño collabora cola Universidá d’Uviéu nel desenvolvimientu de nanopartícules pal tratamientu del cáncer. Cola so esperiencia Annalisa apurre un componente indispensable a la llucha pola igualdá de la muyer na ciencia.

Llugar: Sala de talleres.

Preciu: 3 €/participante.

Places: 50 persones.

Empobináu a: Educación Primaria.

Duración: 120 minutos.

Feches y horariu: de llunes a vienres, a les 10:00 o a les 12:00 h.

Tribnology, tecnoloxía educativa

Tecnoloxía

Tribnology, tecnoloxía educativa ye una triloxía educativa compuesta por trés talleres qu´amuesa´l potencial didácticu de la Realidá Virtual y Aumentao al traviés d´una esperiencia educativa como aprendizaxe al traviés de la esperiencia y l´intercambiu cooperativu de los participantes.

Impartíu por: Valores Valientes, una organización ensin ánimu d´arriquecimientu, conformáu por un equipu de profesionales del ámbitu educativu, social y artísticu que da respuestes innovadores y creatives en distintes llinies d´acción.

Llugar: Sala de talleres.

Preciu: 3 €/participante.

Places: 30 persones.

Empobináu a: tolos ciclos educativos. Los trés talleres son adaptables a Educación Infantil, Primaria, Secundaria o Bachilleratu.

Duración: 90 minutos.

Feches y horariu: de llunes a vienres, a les 10:00 o a les 12:00 h.

Talleres:

• RV DIY
• RV ROOM XCAPE
• RV/RA/360º7XR

Esploradores espaciales

Ciencia y tecnoloxía

Una introducción al Modelismu Espacial dende un enfoque adaptáu a toles edaes

El proyectu Space Campus d´Extraescolaria naz coles mires de promover nel alumnáu la cultura y la vocación científico-tecnolóxica. Basándose nel métodu científicu, los participantes van dir dando respuesta a les sos propies entrugues, formulándose nueves cuestiones, uti-lizando l´espaciu como contestu pal aprendizaxe de materies STEAM (Science, Technology, Engineering, Art, Mathematics), y familiarizándose d´una manera prestosa y amena cola ciencia y la tecnoloxía.

Vamos realizar una actividá demostrativa y práctica del principiu físicu d´acción-reacción, imprescindible pa entender la tecnoloxía utilizada en vehículos de tresporte al espaciu esterior. Nel taller vamos analizar les distintes partes d´un cohete espacial y vamos realizar col alumnáu´l diseñu y fabricación de partes fundamentales pa la estabilidá nel vuelu. Al traviés d´esti esperimentu vamos ver cómo ye posible diseñar, fabricar y llanzar un cohete hidropropulsáu usando aire a presión y agua, ya inclusive vamos reparar cómo s´usen los sistemes de recuperación o paracayíes pa salvar el modelu.

Impartíu por: Extraescolaria. Extraescolaria lleva dende 2012 dedicándose a la organización y el desenvolvimientu d´actividaes nel ociu y tiempu llibre del públicu infantil xuvenil. Cunten con una gran esperiencia y colos meyores profesionales cualificaos pal desenvolvimientu de toles actividaes. El so principal oxetivu ye entretener a los participantes amás d´apurrir un ambiente óptimu pa l´alquisición de nueves conocencies, habilidaes y valores. La so metodoloxía de trabayu ta basada nes dinámiques de grupu y na diversión de los participantes.

Llugar: Sala de talleres.

Preciu: 3 €/participante.

Places: 50 persones.

Empobináu a: Educación Primaria y Secundaria.

Duración: 120 minutos.

Feches y horariu: de llunes a vienres, a les 10:00 o a les 12:00 h.

AGENDA

NOTICIAS