Laboral Ciudad de la Cultura

HOY SÁBADO 01 DE OCTUBRE

Suscríbete a nuestra newsletter

Laboral Mesa de Trabajo
Pasaporte Cultural
Vamos Laboral
Laboral Cineteca
app movil

CENTRO RECURSOS ESCÉNICOS

CESIÓN D’ESPACIOS ESCÉNICOS

Pa trabayos técnicos/artísticos/ensayos… de proyectos culturales

 

Oxetu

Llaboral Ciudá de la Cultura pon a disposición de los profesionales rellacionaos cola cultura y el trabayu artísticu (artes escéniques, música, instalaciones artístiques…) la cesión temporal del espaciu escénicu del Teatru de la Llaboral, del Paraninfu, de les sales d’ensayos (Sala Azul, Sala Mariella, Sala Naranxa) y del plat0 del Centru d’Arte coles sos respectives dotaciones técniques pal desenvolvimientu de proyectos artísticos de cualquier mena.


¿Quién pue solicitalo?

Puen presentar solicitúes toles persones físiques mayores de 18 años residentes o nacíes n’Asturies, y toles persones xurídiques que tengan el domiciliu social n’Asturies y qu’incluyan nel oxetu social la creación y producción artística en cualquiera que seya la so categoría.

 

Presentación de les solicitúes

Paraninfu y Teatru

  • Les solicitúes han facese presentando l’ANEXU 1 “Cesión Temporal Teatru-Paraninfu-plat0 de Llaboral Ciudá de la Cultura” disponible pa la so descarga nesta web y unviando esi anexu completáu con tola información riquida al corréu electrónicu eventos@turismoycultura.asturias.es.
  • El proyectu presentáu va evalualu’l Departamentu de Xestión d’Espacios de Llaboral Ciudá de la Cultura que va decidir si pue ser beneficiariu d’una cesión.
  • La presentación de la solicitú nun implica necesariamente l’autorización del usu de los espacios.
    La concesión de la cesión siempre va tar suxeta a la disponibilidá de los espacios y va poder vese alteriada por necesidaes de programación o otres cuestiones de cualquier mena a criteriu de la Llaboral, siempre previu avisu a los interesaos y ensin que por eso medien contraprestaciones pal peticionariu.
  • Les empreses promotores y/o distribuidores que tengan nel so catálogu dellos artistes, compañíes o bandes van poder presentar tantes opciones como-yos paeza necesario. La duplicidá na presentación de propuestes va invalidar la opción de cesión del recintu.

Sales d’ensayu

  • La solicitú de les sales d’ensayos ha facese con pidimientu nel corréu congresos@turismoycultura.asturias.es o eventos@turismoyculturaasturias.es.
  • Desque realizada la solicitú, ha unviase una ficha (ANEXU 2) que tien que se volver completada pol/os solicitante/s (vía mesmu corréu electrónicu), amás de la confirmación de llectura d’esti documentu cola normativa d’usu, adaptada a la fase sanitaria pertinente en cada momentu.
  • Esta cesión nun supón sofitu técnicu directu, pero va poder disponese de sofitu técnicu y cesión de material básico pa poder desenvolver un ensayu (equipu de soníu, sielles, meses…).

Plat0 de LLABoral Centru d’Arte y Creación Industrial

  • Les solicitúes han facese presentando l’ANEXU 1 “Cesión Temporal Teatru-Paraninfu-plat0 de Llaboral Ciudá de la Cultura”, disponible pa la so descarga nesta web y unviando esi anexu completáu con tola información riquida al corréu electrónicu eventos@turismoycultura.asturias.es.
  • Esta sala dispón de 319 metros cuadraos y ta equipada con estructura de truss, equipu de soníu y xuegu de lluces.
  • L’horariu d’usu d’esti equipamientu ye: llunes y martes, de 09:30 a 14:30 hores; miércoles, xueves y vienres, de 09:30 a 19:00 hores; sábados, de 11:00 a 19:00 hores.
  • Los domingos y festivos esti espaciu va permanecer zarráu y nun va ser posible entrar.
  • Esta cesión nun supón sofitu técnicu directu, pero sí va poder disponese de sofitu técnicu y cesión de materiales básicos pa poder desenvolver los ensayos (equipu de soníu, sielles, meses…) o resolver duldes, solicitándolo en tiempu.

 

Duración de les cesiones

Teatru y Paraninfu

  • La duración de la estancia nel Teatru o nel Paraninfu nun pue superar los 3 díes siguíos.
  • La cesión d’estos espacios namás va poder solicitase una vegada al añu por compañía / artista (les empreses promotores y/o distribuidores que tengan nel so catálogu dellos artistes, compañíes o bandes van poder presentar tantes opciones como-yos paeza necesario. La duplicidá na presentación de propuestes va invalidar la opción de cesión del recintu).

Sales d’ensayu

  • Pa les sales d’ensayos los periodos solicitaos nun van poder pasar de les trés selmanes por sala y el máximu anual por profesional va ser de trés meses. La solicitú de sales ha facese con una antelación máxima de dos meses pa favorecer la rotación nel usu de sales.

Plat0 de LLABoral Centru d’Arte y Creación Industrial

  • Pal plat0 de LLABoral Centru d’Arte la cesión ye pa un máximu de 15 díes naturales. Va concedese siempre por orde de llegada y va confirmase con tola antelación posible primero d’empezar l’actividá.

 

Recursos

Llaboral Ciudá de la Cultura dexa a la compañía/artista/promotor/distribuidor estos recursos:

  • Caxa Escénica del Teatru, Paraninfu de la Llaboral, sales d’ensayos o plat0.
  • Camerinos que se consideren necesarios pal desenvolvimientu de l’actividá nel casu d’usu del Teatru. Nel casu de la cesión del Paraninfu, que nun dispón de camerinos, valoraríase la cesión d’otru espaciu na zona p’almacenaxe de material.
  • Rider técnicu del Teatru de la Llaboral y del Paraninfu de la Llaboral (siempre que’l material tea disponible) y previa aceptación pol equipu técnicu.
  • El pidimientu de materiales pa les sales d’ensayos (por exemplu: meses, sielles, equipu de soníu…) ha facese na ficha facilitada pol Departamentu de Xestión d’Espacios.
  • Va ponese a disposición una persona intermediaria del Departamentu de Xestión d’Espacios pa cualquier comunicación.
  • Va ponese a disposición un responsable técnicu integrante del equipu técnicu de la Llaboral pa dar soporte y cobertura a lo llargo del periodu d’estancia nos distintos espacios.
  • Bolsa d’hores técniques pal desenvolvimientu del proyectu y d’hores de carga y descarga a convenir colos responsables técnicos de la Llaboral y col Departamentu de Xestión d’Espacios (namás d’aplicación nel casu de solicitú del Teatru o del Paraninfu).
  • La especialidá y el númberu de técnicos necesarios pal desenvolvimientu del trabayu mentes ye la estancia nel Teatru o’l Paraninfu va apautase col equipu técnicu antes de la entrada nel espaciu (especialidá de soníu, lluces, videu, maquinaria).
  • Pa la entrada y salida de material técnico va tase acompañáu de personal de seguranza, personal técnico o auxiliar asignao al efectu.
  • Pa realizar los movimientos de material técnico ha avisase’l víspora, siempre nel so casu primero d’entrar al recintu.

 

Normes d’usu

  • Cumplir col horariu establecíu consensuáu con Llaboral Ciudá de la Cultura y Llaboral Centru d’Arte. En casu de pasase o nun lu usar enteru, comunicar siempre al responsable de contactu p’aprobación.
  • Caltenimientu y bon cuidáu del espaciu y de tol material técnico, moblame… puestos a disposición.
  • Nun ta permitíu nengún tipu d’intervención permanente nes instalaciones d’usu (ensin previu avisu al personal técnico) del tipu: pintar parés, afuracar, asitiar elementos adhesivos qu’estropien les superficies…
  • Ta prohibío usar l’espaciu pa otra finalidá que nun seya la que s’estableció o cedelu a terceres persones.
  • El beneficiariu de la cesión va facese responsable directamente de cualquier dañu o perxuiciu causáu qu’asoceda deriváu de la so estancia nos espacios.
  • Previo a la entrada nel espaciu va poder solicitase una reunión (online o presencial) ente peticionarios y equipu técnicu p’afitar y comentar les necesidaes técniques.
  • Nun se permite permanecer en zones ensin autorizar pal so usu (escaleres, Hall…).
  • Ta prohibíu l’accesu a espacios que nun seyan los puramente adscritos a la cesión.
  • Ta prohibío fumar en cualquiera de les instalaciones del recintu.
  • L’usu non adecuáu de les instalaciones o del material, amás del incumplimientu de les normes apautaes va ser causa de denegación de futures solicitúes y de la suspensión de la cesión de los espacios.
  • Los usuarios van ser responsables d’una convivencia correcta con otros eventos simultáneos cumpliendo horarios, accesos y siguiendo les indicaciones del personal.

 

Normes d’accesu

Teatru

  • L’accesu con material al interior del Teatru va facese pel muelle de carga asitiáu nel parking traseru de la Llaboral siempre previu avisu al personal técnico o a los responsables del Departamentu de Xestión d’Espacios.
  • L’accesu del personal de la residencia va facese al traviés de la puerta del botón asitiáu na fachada del Teatru de la plaza siempre previu avisu al equipu técnicu y nel horariu consensuáu.

Paraninfu

  • L’accesu al Paraninfu va facese al traviés de la cafetería. Si ye menester l’accesu de vehículos pa descarga de material a la Plaza ha avisase enantes y l’accesu ha facese col personal de seguranza. Si se precisa usar l’ascensor pa xubir material, ha avisase enantes (l’ascensor d’accesu ta na zona de la Facultá y siempre va haber que solicitar permisu pal so usu).

Sales d’ensayu

  • Pa entrar nes sales d’ensayos ha recoyese diariamente na Cripta de Seguranza la llave de la sala. La recoyida ha facela siempre la mesma persona, de forma individual, indicando enantes quién va ser el responsable na ficha de pidimientu inicial.
  • El procesu va ser el mesmu pa la devolución de la llave a la fin de la xornada.
  • Desque se tea na puerta del Teatru y p’acceder a les sales d’ensayos, la entrada ha realizase al traviés de la puerta llateral que tien interfonu (puerta del botón) previa llamada al fixu 985 185 890 de Seguranza (Cripta). La clausura de la puerta ye automática.
  • La salida ha facese pela mesma puerta, abriéndola col botón interior.

Plat0 de LLABoral Centru d’Arte y Creación Industrial

  • LLABoral Centru d’Arte va facilitar una tarxeta d’accesu al espaciu a la persona responsable del proyectu. Esa tarxeta tien una fianza de 5 € que se va volver al rematar la residencia y volver la tarxeta.
  • L’accesu va realizase pela puerta principal del Centru d’Arte.

 

Contraprestaciones

  • En tolos proyectos que reciban la collaboración de la cesión d’espacios ha mentase nes acciones de promoción y espardimientu (cartelería, web…): “Proyectu realizáu col sofitu del Centru de Recursos Escénicos del Principáu d’Asturies” xunto a los logos de Llaboral Ciudá de la Cultura o LLABoral Centru d’Arte nel casu del usu del plat0, y de Gobiernu del Principáu d’Asturies na so versión n’asturianu.

 

AGENDA

Del miércoles 28 de septiembre al sábado 1 de octubre de 2022

Jornadas Internacionales de Patrimonio Industrial

Circlassica 2

Del jueves 29 de septiembre al domingo 2 de octubre de 2022

Teatro de la Laboral

Circlassica, el sueño de Miliki

Jueves 6 de octubre de 2022, 20:30 horas

Teatro de la Laboral

LP

NOTICIAS


Los pájaros de Hitchcock, con BS(O) en vivo de Amorante, y los encuentros con las cineastas Meritxell Colell y Konchi Rodríguez, este trimestre en Laboral Cinemateca

[ ]


Circlassica, el sueño de Miliki, en el Teatro de la Laboral

[ ]


Víctor Manuel llenará el Teatro de la Laboral en los tres conciertos que ofrecerá esta semana

[ ]