Itinerariu cultura y naturaleza

La Llaboral ufierta una propuesta especial pal colectivu d´asociaciones, con una actividá onde se combina cultura y naturaleza.

Programa:

• 10:00 h. Visita Xardín Botánicu Atlánticu de Xixón. P´afayar los secretos, la historia non escrita y inclusive les anécdotuques que marquen el pasáu y presente non solo del propiu Xardin Botánicu, sinón tamién de munchos de los exemplares que componen esti sitiu tan magníficu.
• 12:00 h. Visita guiada a la Llaboral. Un percorríu guiáu pa conocer los espacios más emblemáticos d´esti edificiu tan espectacular: Llaboral Centru d´Arte, Plaza Cívica, Patiu Corintiu, Plaza Central, Teatru, Sala de Pintures y vista panorámica curtia dende la Torre.
• 14:00 h. Xinta. Van reponese fuercies nun restaurante de la rodiada.
• 16:00 h. Acuariu. Ufierta un percorríu per 60 acuarios d´agua dulce y salao que dexa conocer al detalle la flora y la fauna de los mares del mundu. Salmones, llondres, esturiones, pingüinos o tiburones güe son dalgunos de los 5.000 animales que puen vese na visita.

Preciu por persona: 10,90 €.

Nun inclúi: tresporte. Si l´asociación lo quier, podemos apurri-y presupuestu pa los desplazamientos.

Más información, horarios y reserves: 902 306 600/985 185 860.

Visites guiaes

Entrada al equipamientu y visita guiada a Llaboral Ciudá de la Cultura.

Duración de l´actividá: una hora.

Preciu: tarifa grupos, 4,50 euros/persona.

Otros recursos culturales

Xixón ufierta una montonera de propuestes pa completar el pasu pela ciudá y que puen combinase cola visita a la Llaboral. De siguío detállense delles idees (en casu d´interesar, pue dase más información):

• Parque Arqueolóxicu de La Campa Torres: el Parque ye un sitiu d´espardimientu y cultura onde se desenvuelven delles actividaes rellacionaes cola conocencia y disfrute del patrimoniu arqueolóxicu d´esti cabu.
• Muséu del Pueblu d´Asturies: el so oxetivu ye caltener la memoria del pueblu asturianu. L´espaciu temporal de les sos colecciones garra lo que llamamos sociedá tradicional, una sociedá qu´anicia na Edá Media y qu´algama cuasi hasta güei.
• Muséu del Ferrocarril: centru dedicáu al caltenimientu, investigación y espardimientu de la historia ferroviaria d´Asturies. El Muséu ufierta al visitante una visión amplia de la rellación establecida ente´l ferrocarril y la historia social, técnica y económica.
• Villa de Veranes: la visita a los restos arqueolóxicos de la villa romana de Veranes faise per un senderu con dellos puntos d´observación que nos averen a les sos estancies. Dalguna d´estes sales caltienen parte del pavimentu orixinal.
• Termes Romanes d´El Campu Valdés: el Muséu ufierta una visión completa de les termes nel mundu romanu y el funcionamientu y historia de les termes públiques en Xixón. Puen vese nelles amás les estancies orixinales de los baños recuperaos nes escavaciones arqueolóxiques.
• Acuariu: ufierta un percorríu per 60 acuarios d'agua dulce y salao que dexa conocer al detalle la flora y la fauna de los mares del mundu. Salmones, llondres, esturiones, pingüinos o tiburones güe son dalgunos de los 5.000 animales que puen vese na visita.

Más información y reserves:

Si precisa ayuda, información adicional o formalizar una reserva, pue llamar al nuestru teléfonu d’atención:

902 306 600/ 985 185 860