Laboral Ciudad de la Cultura

HOY MARTES 10 DE DICIEMBRE

Convocatoria Programa de Artes Escénicas en Residencia para periodo de enero a junio de 2020
Hasta el 11 de diciembre de 2019, a las 13:00 h.
La palabra inacabada de García de Marina
Del jueves 5 de diciembre de 2019 al domingo 12 de enero de 2020 en Iglesia de la Laboral

Suscríbete a nuestra newsletter

Pasaporte Cultural
Vamos Laboral
Laboral Cineteca
Sello de Oro
app movil

NOTICIAS

Muyeres

LABORAL CIUDAD DE LA CULTURA

El colectivu musical Muyeres estrena´l so nuevu proyectu, Humanes, el 11 de xineru nel Teatru de la Llaboral

26/11/2019.- El colectivu musical Muyeres va estrenar el so nuevu proyectu, Humanes, el próximu 11 de xineru, a les 20:00 hores, nel Teatru de la Llaboral.

Antón García, director xeneral de Política Llingüística del Principáu; Borja Roces, director escénicu; Marta Elola, directora musical, y componentes del grupu Muyeres presentaron esta mañana esti proyectu global, que naz en formatu de discu y espectáculu.

Per primer vez el grupu nun va cantar temes recuperaos de la música tradicional, sinón que creó a costa fecha para esti trabayu histories de muyeres, delles reales y otres de ficción, buciando na contradicción, imperfección y vulnerabilidá de cualesquier ser humanu.

L´espectáculu, diseñáu y empobináu por Borja Roces, recueye, ente otres, histories de muyeres qu´alternaron con Lorca, d´estravagantes solitaries en pueblos pequeños o d´aquelles que venguen la muerta d´un ser queríu con otra muerte más.

El colectivu Muyeres nació en 1993 de la unión de dellos grupos d´investigación etnográfica: Andecha Folclor d´Uviéu, L´Aniciu, Escontra´l Raigañu, Xurgar nas Costumes y Concetsones. Dende entós reivindicó la música tradicional asturiana y el papel de la muyer, en grabaciones como Muyeres, Dancies, bailles, ramos, romances y cantares de los conceyos d´Asturies, Pasamentu y Onde la culiebra canta, n´espectáculos como Inda suenen y nes distintes collaboraciones con artistes como Ramón Prada, Hevai, Xuacu Amieva o Texedor.

Les entraes salen güei a la venta, dende les 12:00 hores, a un preciu de 20 euros pa fosu, de 18 euros pa patiu de butaques, de 15 euros pa palcos y de 12 euros p´anfiteatru. Les localidaes pueden adquirise nos puntos de venta de costume: la Recepción de la Llaboral, el Centru Niemeyer n´Avilés, la Oficina d´Información Turística d´Asturies n´Uviéu/Uviéu, la web entraes.liberbank.es, el teléfonu 902 106 601, la rede de caxeros Liberbank y la mesma web de la Llaboral.